Bloggsida Bryndisar

Hérna getið þið séð hverfið mitt Sést samt ekki mín blokk, en þið getið alla veganna fengið smá tilfinningu fyrir hvernig kollegian lítur út.

congratulations. you are the kiss my ass happy
bunny. You don't care about anyone or anything.
You must be so proud


which happy bunny are you?
brought to you by Quizilla

Það er eitt sem ég er að velta fyrir mér.....Afhverju er danski fáninn í staðinn fyrir veðurgelluna mína???? Það er ekki svo ég viti einhvern þjóðhátíðardagur hérna. Alla vega ekki frí í vinnu né skóla......ég er mikið að velta fyrir mér hvaða spes dagur er í dag, ég veit að páskabjórinn kemur næsta föstudag og þá er hátíð eins og þegar jólabjórinn kemur. Svo finn ég ekki skóladagbókina svo ég verð bara að velta þessu fyrir mér.....en ef þið vitið svarið endilega látið mig vita.

Þá er víst komin tími til að blogga aftur!!!
En ástæðan fyrir því að ég hef ekkert verið að blogga er sú að í fyrsta lagi þá er bara ekkert að frétta af mér, í öðru lagi þá er búið að vera rosalega mikið að gera ( og fer ekkert minnkandi, samt einn hlutur búinn á listanum og það er eitt stykki skýrsla, nú verða bara allir að krossa fingurnar með mér og vona að hún verði góðkennd) og í þriðja og seinasta lagi ................ er held ég bara ekki neitt, varð bara að vera með, annars væri þetta svoldið tómlegt.
Ég var að spjalla við mömmu áðan á msn og ég á von á eitt stykki appalo lakkrís poka, hún ætlar að senda á eftir, hlakka til að fá hann. Ég ætla nefnilega að halda upp á afmælið mitt, er búin að bjóða í bekkjarpartý, langar að baka nammiköku og setja íslenskt nammi á hana, er svo vondur danski lakkrísinn, danirnir eru samt alltaf að spyrja hvort við séum nokkuð með svona góðan lakkrís á Íslandi, ég fyllist alltaf þjóðrembu og segi að við séum með MIKLU betri lakkrís og hlakka til að sanna það föstudaginn 07.03.03 þegar festen verður.
Síðan ætla ég að bjóða upp á et par kasser øl ( 2 kassa bjór), það minnir mig á það, ég ætlaði að fara í fötex og kaupa afmælispappadiska og servettur, er á tilboði þessa vikuna.
Jæja núna gengur bara ekkert annað en harkan sex og halda áfram að læra. En ég væri alveg til í að vera að fá heimsókn um helgina eins og Sara, ein vinkona hennar var að koma í dag og Sara fór út á flugvöll og ná í hana, og þær ætla að eyða deginum í köben og koma svo hingað í kvöld, og njóta þess að vera hérna í Odense. Ég væri ekkert smá til í smá heimsókn, en hefði satt að segja engann tíma fyrir gesti þessa helgi, en það væri samt gaman að fá gesti.

Kær kveðja frá baunalandi

Blockbuster bömmer


Það voru nú meiri vonbrigðin í gærkvöldi hjá okkur kærustuparinu þegar að við byrjuðum að horfa á myndina sem við vorum búin að hafa fyrir því að fara niður á lestarstöð og ná í á blockbuster. Reyndar var ferðin ekki alveg fýluferð því ég hringdi í Evu vinkonu sem var að útskrifast með B.S. í sameindalíffræði í gær, Til hamingju með áfangann Eva, en ég hefði nú reyndar getað gert það hérna á kollegiunni í tíkalla símanum hér. En ég heyrði ekki neitt eiginlega í henni því það var svo mikill hávaði á lestarstöðinni, heyrði reyndar að hún hafði það gott og það var veisla hjá henni og partý framundan um kvöldið. Vildi óska að ég hefði getað verið með henni, en svona er það að búa í útlöndum.

En já við semsagt tókum óskarsverðlauna myndina "monster´s ball" og hún var bara hreint út sagt leiðinleg. Við vorum alltaf að vonast eftir því að hún færi nú að skána, en hún var svo hæg að við sofnuðum yfir henni. Maður var búin að heyra þvílíkt mikið af þessari mynd ( voru það kannski bara auglýsingar sem heilaþvoðu mann, man ekki eftir að nokkur maður hafi lýst yfir ánægju sinni með þessa mynd) svo var nátturulega aðal myndarinnar það voru brjóstin á halle berry sem maður var búin að heyra heilmikið um, en þetta var nú frekar ömurlegt atriði. Ég verð líka að viðurkenna það að mér finnst bara Billy Bob Thornton leiðinlegur leikari í drama myndum, hann er alltaf sama týpan, ég og Gummi sáum t.d. jafnleiðinlega mynd einu sinni með honum sem heitir eitthvað á þessa leið " the man who whoesn´t there" hún er í svona sama stíl og Monster´s ball og jafn ömurleg, hann er alveg eins í þessum myndum, ég héllt á timabili að ég væri bara liggur við að horfa á þá mynd. Við vorum reyndar í gær að velta fyrir okkur að taka dönsku myndina " humorkorts stativs sælgerens son" hefðum frekar átt að taka hana, er gamanmynd sem var í bíó hérna í ágúst.

En ég er alveg hissa á samt hvað dönsk kvikmyndagerð er í mikilli grósku. Það eru stanslaust danskar myndir í bíó og núna eru ekkert nema danskar myndir í bíó og svo er enn verið að sýna bondinn. En dönsku myndirnar sem eru í bíó núna eru " arven" sem er mynd númer tvö í trilogiu um stéttaskiptingu í danmörku, en þessi fjallar semsagt um gaur sem erfir fjölskyldufyrirtækið og vill það ekki, býst við að þessi sé um efristétt. Síðan er líka myndin "Askepop - The Movie" sem er dönsk söngleikjamynd, fjallar um stúlku sem að vinnur á milkshake bar sem mamma hennar á og dreymir um frama í leiklistargeiranum"Drengen Der Ville Gøre Det Umulige" sem er dönsk teiknimynd, sem mér er eiginlega nokk sama um hvað hún er. Svo er það myndin "Bertram & Co"sem ég eftir að kynna mér um hvað er.Síðast og ekki síst er líka myndin "En som Hodder", sem er um 9 ára strák sem heitir hodder og býr einn með pabba sínum, mamma hans er dáinn og honum dreymir um að álfur eða eitthvað álíka komi og gefi honum mikilvægt verkefni, síðan kemur álfur( eða hvað þetta er) kemur og biður hann um að frelsa heiminn, ákveður Hodder að byrja með lítilli eyju og er að safna saman liði í ferðina.

Já það er sko nóg af að taka af dönskum myndum í bíó og vídeóleigum, en ég og Gummi tökum ekki það oft myndir að núna erum við að pæla í að fara yfir í dönsku stefnuna, seinast þegar við tókum mynd var það í oktobér og þá tókum við zoolander og ekki var hún neitt spes, þannig að meðan við erum hérna í danmörku erum við að pæla í að salta smá amerísku stefnuna á vídeóleigunni. Reyndar er ég að fara kannski í bíó bráðlega og ætla þá að sjá eina alveg ekta ameríska stelpumynd, en það verður bara gaman, hlakka til þess. En núna eru það skólabækurnar sem kalla á mig, ég nenni nú samt varla að svara kalli þeirra en neyðist....

Verslunarferðin ógurlega !!!!!!!!




Ég fékk rosalega skemmtilega upphringingu í gærkvöldi, mamma hringdi og spjallaði heillengi við mig, en það er langt síðan ég hef heyrt í þeim, reyndar breytast þau ekki neitt, en samt gaman að heyra í þeim, það er nú ekki laust við að maður sakni þeirra.
Síðan var okkur boðið með í verslunarleiðangur, Ingvi og Sigurrós voru svo elskuleg að bjóða okkur að fara með þeim að versla í dag. Við nátturulega þáðum það með þökkum, vorum ekkert smá ánægð og fórum og erum núna næstum því búin að fylla kistuna. Enda ekkert smá gott að þurfa ekki að versla næstu vikurnar, nema bara það allra nauðsynlegasta eins og mjólk og grænmeti/ávexti. Svo er líka svo gott að þurfa ekki að taka strætó með allt draslið, eða hvað þá að hjóla með það. Við erum semsagt alveg í skýjunum með innkaupin og rosa þakklát þeim skötuhjúum að taka okkur með. En við fylltum heila innkaupakerru og skottið hjá þeim líka, erum búin að komast að því að Ford Escort getur tekið eina og háfla bilka kerru + einn bjórkassa.
Núna er víst komin tími á að skella sér oní skólabækurnar aftur, ég verð nú samt að viðurkenna að ég nenni því ekki.

Já þá er maður farin að sprikla. Ég keypti mér mánaðarkort í leikfimi í gær og fór í gær og í dag í sprikltíma. Reyndar héllt ég að Gummi myndi míga í sig af hlátri þegar hann heyrði að það væru spinning tímar í danmörku , honum finnst danir hjóla alveg nóg þó að þeir loki sig ekki inni í líkamsræktarstöð líka og hjóli meira.
Það eru ansi margir af grönnunum í þesari sömu líkamsræktarstöð. Ég er búin að njóta góðs af því í dag og í gær, fékk far með Sigurrós granna í gær og far heim í dag. Þessi stöð er reyndar ekki langt frá raskinu svo að ég er ekki nema 5 mín að hjóla, svo að það er fínt, smá extra æfing. ( Reyndar held ég að strætó verðir fyrir valinu, ef ég fer beint eftir skóla).
jæja, þá eru það bara spriklkveðjur frá Danaveldi

Þá er kistan komin hingað heil og höldnu. Hún kom með póstinum, það var hringt á dyrabjöllunni hjá mér kl hálf tólf og þá var sko virkilega hringt, ég stóð upp leið og hann hringdi en hann var enn að dingla þegar ég kom til dyra. Þar fyrir utan stóð danskur póstmaður í sínum rauða galla, svo þurfti ég að hjálpa honum að bera frystikistuna upp, hún var reyndar ekki þung. En það var ansi billigt að senda hana heim, bara 50 kr að senda kistuna með póstinum, það gerist ekki ódýrara.

Frystikistulagið!!!

Ég sit heima núna að föndra í vinnubók sem ég á að sýna í verklega áfanganum sem ég er í. Já það er vinnubók, svona eins og í sex ára bekk, en sem betur fer er enginn skýrsla, við reyndar þurfum að halda 3 saman 15 mínutna fyrirlestur. En ég sit líka og bíð eftir frystikistunni okkar sem á að koma í dag fyrir hádegi, en ég stillti vekjarann kl 08.00, vaknaði samt svona 10 mín í átta og var svoldið rugluð þegar ég kom á fætur fannst ég heyra í dyrabjöllunni óma, fór fram og opnaði dyrnar og þar var enginn. Kannski kom frystikistukallinn og fór, sko við nefnilega höfum lent í því. Þegar að við fengum sent heim held ég stofuborðið og sjónvarpsskápinn, þá átti dótið að koma milli 9 og tólf, klukkan korter í 9 hringdi svo dyrabjallan og vakti okkur, en hún var búin að hringja ansi oft þegar við föttuðum að þetta var dyrabjallan, ég hentist í föt og fór til dyra og þar voru flutningamennirnir að tía sig til að fara aftur, ég vona svo innilega að þetta hafi ekki gerst aftur og ég hafi misst af kistunni. En á hina höndina nenni ég ekki að bíða mkið lengur klukkan er orðin 10 og ég þarf að fara út í dag. Ég læt ykkur vita hvernig þetta frystikistumál fer, vona að hann fari að koma. Hann á alla veganna að koma fyrir hádegi, þessi búð sendir bara út fyrir hádegi.

BM102

Já ég er ekki frá því að ef fyrrum samstarfsmenn mínir úr Decode hefðu séð mig í skólanum í dag, hefðu þau ekki varist brosi. En ég var að taka próf í pípettufærni, bara svona sjálfspróf samt, tvö mismunandi próf og ég stóð mig bara með stakri prýði hehe. En þau hefðu nú hlegið ef þau hefðu séð okkur gera það sem við vorum að gera. Reyndar var ein stelpan í skólanum sem kom með snilldar setningu, ég er að hugsa um að þýða hana bara fyrir ykkur yfir á íslensku, innihaldið kemst alveg til skila, en kennarinn okkar kom hálfhlæjandi yfir til okkar og sagði okkur hana. En pípettufærni er ekkert annað en æfing, en ein stelpan sagði semsagt " afhverju þurfum við að gera þetta, við erum nú búin að lesa svo mikið um þetta". Eins og að það hjálpi henni eitthvað að hafa lesið um það hvernig pípetta virkar, I don´t think so.
En Sara og Sólveig höfðu bara meðfædda pípettu hæfileika ( ég er ekki sú allra þolinmóðasta eins og þið vitið) og þær bara gerðu vel strax í byrjun, þurftu enga hjálp frá mér. ( en ef einhver les þetta sem var að vinna með mér, þá vorum við að nota svona bláar pípettur sem við notuðum til að fylla á holurnar, en þetta voru bara svoldið stærri pípettur en við vorum með, en samt sama tegund).

Þegar við vorum síðan búnar að testa pípettuhæfileika okkar fórum við og bjuggum til buffer, sem var bara fínt, enda erum við 3 saman og þetta gekk bara ágætlega. Síðan bjuggum við líka til eitthvað svona vaxtarefni fyrir gerfrumur og eigum einhvern að telja hvað það verða síðan til margar gerfrumur í smásjá, svaka spennandi.

En maður var orðin ansi þreyttur eftir langan dag, síðan tekur við 11 tíma skóladagur á morgun, 4 tíma verkleg efnafræði, 2 tímar fyrirlestur, 5 tímar verkleg BM102. En semsagt þegar að svefngalsinn svífur á mann, fer maður að gera ansi skemmtilega og óskemmtilega hluti, en við vorum í pásu stuttu áður en að við áttum að fara heim. Og Sólveig fer út að berja nagla, og við stöndum fyrir innan glerhurð sem var búin að læsa svo að hún kæmist aftur inn á tilraunastofuna, svo fórum ég og Sara að leika eitthvað skemmtilegt fyrir hana sem var hinum megin við glerið og gat ekki talað við okkur. Síðan lít ég við og sé gaur labba á ganginum fyrir aftan og ég og Sara að leika miður ósæmilegar stellingar og handahreyfingar ( var geðveikt fyndið, en vona að gaurinn sé ekki andlega skemmdur eftir þetta).

Þorrablót
Já það má nú með sanni segja að maður hafi skemmt sér vel á þorrablótinu í gærkvöldi. Ég byrjaði á því að vakna kl 10.00 og hlaupa svo út og fá far með Sigurrós á æfingu á leikritinu. Þá fórum við í samkomuhúsið í Højby og tókum út sviðið. Síðan kom ég heim svona hálf eitt, þá reyndi ég að leggja mig á árangurs, en fór á fætur hálf þrjú. Síðan kl fjögur hittumst við fjórar heima hjá Söru í næsta húsi og máluðum okkur og löguðum hárið, Sara sá um að slétta á flestum hárið, ég setti síðan smá greiðslu í Söru. Síðan máluðum við okkur og höfðum það bara gaman, spjölluðum, skiptumst á málingardóti ( bara svona stelputhing), það var mjög skemmtilegt og gaf góðan undirtón fyrir kvöldið. Síðan kom rúta kl 18.00 og náði í okkur hérna á raskinu, síðan var tekinn smá hringur og tekið upp lið á leiðinni til Højby. Í rútinni var rosa stuð, sungið farið með minni kvenna ( farið var með fjöldann alllan af klámvísum), og bara almennt stuð.
Kvöldið var síðan bara rosalega skemmtilegt, leikritið tókst rosalega vel. Fólk hló mjög mikið, reyndar var eitt vandræðalegt móment, það urðu smá tæknilegir örðuleikar einu sinni þegar að átti að spila eitt lag, en Gummi reddaði því hann fór fyrir framan sviðið með skiltin sín sem stóð á klappa og hlæja og svona, hann var nefnilega skiltastúlka, kom með alls konar skilti, t.d. hvað leikritið hét, og svona ýmsar ábendingar fyrir áhorfendur svo þeir fatti nú alveg hvað var um að vera í leikritinu. Hann var í bleiku stuttu pilsi og síðan í gegnsæjum stuttun náttkjól með tigermunstri, rosa flottur. En alla veganna þá skemmtun við okkur og öðrum og allt annað tókst bara mjög vel.
Síðan var hljómsveitin buff að spila undir dansi, það var síðan dansað fram eftir nóttu en svona upp úr 2 voru allir orðnir ansi þreyttir en rútan tilbaka fór ekki fyrr en 3.30 svo að margir sátu og biðu í langan tíma eftir að komast heim. En þegar allt kemur til alls var þetta bara frábært kvöld. Ég held að Sólveig og Gunnhildur séu sammála mér, en ég skil samt ekki eitt alveg, afhverju Sólveig settist ekki við hliðina á ákveðnum aðila sem sat einn í rútinni þegar að hún kom inn ( me not get it). Síðan var einn strákurinn í rútinni á leiðinni heim að kvarta yfir því að það væru bara engar stelpur á lausu á þorrablótinu, ég benti honum nú á Söru og Sólveigu sem sátu aðeins framar og bauð honum að setjast á milli þeirra. Hann tók mig á orðinu og fór og kom sér fyrir í fanginu á þeim.

Gummi var líka aðeins að pimpa í gær, hann hitti gaur sem heitir Brian og er dani, vinur eins íslendings. Brian var að kvarta yfir því að það væru engar stelpur þarna á lausu sem væru til í að dansa, Gummi reddaði því nú fyrir 150 kg vininn og bauð fram þjónustu Söru sem er alltaf til í tjúttið. Þau tóku nokkra dansa og ég var satt að segja farin að vorkenna Söru og bað Sólveigu að fara henni til bjargar, en viti menn Sara var ekkert á þeim buxunum að láta bjarga sér, hún fílaði bara að dansa við stóra gula páskaungann.

Ég held ég láti þetta gott heita núna. Þarf kók og franskar eða eitthvað svona ..................

Þorrablót á morgun!
Maður er semsagt búin að vera að sjæna sig til fyrir morgun daginn, mörg lög af naglalakki, aungabrýnalitun og plokkun og bara allt heila klabbið er búið að taka meira en 2 klt og maður er ekki alveg búin að sjæna sig allan. En hendurnar eru alla veganna orðnar rosa fínar ( afhverju hefur maður ekki tíma til að hafa sig svona til á hverjum degi????).
En ég er nú búin að gera margt annað í dag, meðal annars þá fórum ég og Gummi í bæinn og fjárfestum í einu stykki frystikistu. Þetta er bara hinn mesti gripur eða 101 L kista, rosa fín versluðum hana í harald Nyborg katalogmarked. Gerðum bara reifarkaup og hlökkum til að fá kistuna á fimmtudaginn í næstu viku. Það er eiginlega ekki hægt að búa í landi þar sem allt snýst um það að spara í magnkaupum á mat og geta svo ekki geymt matinn. Núna getum við farið að versla kjúklingatilboð, og eiga brauð og annað þarfaþing í frystinum. Við erum ekkert smá ánægð með kistuna, þetta er jafn mikil gleði og eins og ég hefði keypt mér skó fyrir ári síðan ( ha? það mætti halda að maður væri breyttur).
En ég ætla að halda áfram að sjæna mig til, og svo þarf ég að vakna í fyrramálið og fara á leikæfingu ( lokaæfing fyrir frumsýningu annað kvöld á þorrablótinu). En ég segi ykkur bara næst hvernig var á þorrablótinu, en endilega verið dugleg að senda mér póst.

Þetta er aldeilis búin að vera frábær dagur. Ég svaf út, fór svo í bæinn og keypti mér netasokkabuxur, naglalökk til að gera svona french pedicure, keypti mér tvö krem í bodyshop. ( var síðan með smá samviskubit yfir því að vera að eyða svona miklum pening og vera fátækur námsmaður á námslánum og eiga kærasta sem er á atvinnuleysisbótum, með lág laun) En þegar ég kom heim þá breyttist allt, ég fór og skellti naglalökkunum á mig, svo kom Gummi heim með blómvönd handa mér, hann ljómaði alveg eins og Sól í heiði, enda var hringt í hann frá PKM þar sem hann var að vinna fyrir jólin og þeir buðu honum vinnu til vors. Sem er alveg frábært, getum þá kannski átt smá pening næsta haust þegar Gummi fer líka í skóla. En við erum alla veganna pottþétt núna að fara að kaupa okkur tölvuborð.

Það er eiginlega voða lítið að frétta af mér. Bara allt á fulllu í skólanum, það var næst seinasta æfingin fyrir þorrablótið í gær. Leikritið er svona allt að koma til, en okkur finnst þetta enn bara svo fyndið að okkur gengur ekkert allt of vel að leika þetta. Svo er Gummi á stöðugum kóræfingum ( ég hlakka til að heyra kórinn Rask-kinnar syngja, miðað við að Gummi er í kórnum verður þetta fróðlegt).
Ég keypti mér pils í gær fyrir þorrablótið, og svo ætla ég í bæinn í dag, kaupa mér sokkabuxur og eitthvað skemmtilegt, kannski nýjan gloss eða augnskugga. Ég var reyndar bara að vakna, þyrfti að fara að gera skýrslu. Verst bara hvað mér finnst leiðinlegt að gera skýrslur, ég veit ekki alveg hvernig ég á eftir að standa mig í svona starfi ef ég fresta öllum skýrslum og finnst leiðinlegt að skrifa skýrslur, það er víst hluti af starfinu. Alla veganna var liðið alltaf að gera einhverjar skýrslur í deCode og skrifa greinar í vísindatímarit til að verða fræg. Kennarinn minn í líffræði var einmitt að tala um einhverja skutlu í pásunni um daginn ( bekkjarsystir mín þekkir hana sko, var laborant hjá henni held ég) og þessi skutla er víst að gefa út einhverja vísindagrein því hún fann eitthvað prótein sem ......ég náði ekki alveg hvað gerir.....En ég er ekki alveg viss um að ég eigi eftir að nenna því, finnst rosalega leiðinlegt að gera skýrslur. En kannski verður það meira spennandi þegar að maður er rosa spenntur yfir vinnu sinni, en er ekki að gera efni eftir uppskrift, ég er bara gjörsamlega Siggi Hall þessa dagana í efnafræði. Og langar ekki að fara að gera uppskriftabók.

Loksins gat ég brotist úr viðjum firewallsins!!!!!

Loksins loksins, komst ég í gegnum þennan firewall sem er búin að gera mér lífið leitt hérna á kollegiunni og hindra það að ég geti downloadað ýmsu á netinu, hlustað á utvarpið gegnum netið og þar fram eftir götunum. En núna er ég t.d. að hlusta á kastljósið, þar er verið að fjalla um geirfinnsmálið og þessa skýrslu sem var verið að gera. Frekar áhugavert, lögreglumaðurinn sem sá um rannsóknina er í viðtali.
En ég semsagt frétti þetta á leiklistaræfingu á laugardaginn að maður getur farið bakaleið í kringum firewallinn en maður fær bara úthlutað ákveðnum kvóta á viku. Það er ekki mikill kvóti, en betra en ekki neitt.
En Sólveig, ég gleymdi alltaf að segja þér þetta, en þú getur farið inn á http://fko-gate.kollegie.dk og þar seturðu inn mail usernamið þitt og lykilorð og svo færðu leiðbeiningar um hvernig á að breyta stillingum til að komast í gegnum firewallinn. Ég þarf samt reyndar að breyta alltaf í gömlu stillingarnar aftur, því þessar stillingar gera einhverja gloríu þegar ég slekk á tölvunni, skil það ekki alveg, donno jafn dularfullt og geirfinnsmálið.

Helgin

Þetta er búin að vera annasöm en góð helgi. Ég er búin að læra í nokkra klukkutíma á dag. Síðan voru æfingar fyrir leikritið sem frumsýnt verður á þorrablótinu um næstu helgi, það var æft bæði laugardag og Sunnudag. Já þetta er stórséð það sem ég hef gert um helgina. Skruppum reyndar aðeins á barinn á laugardagskvöldið, en ég var virkilega þreytt og nennti ekki að vera þarna. Ég reyndar nennti varla að fara til að byrja með en Gumma langaði að fara, svo við skelltum okkur. Þetta var svona signal fest rauð föt = á föstu , græn föt = til í tuskið, gul föt = ég er á föstu, en er til í tuskið í kvöld. Við fórum semsagt bæði í rauðum bolum, Sara fór reyndar líka í rauðu(bleiku), fatta það ekki alveg, en held það hafi verið því henni finnst gaurarnir svo ljótir, eða kannski er hún bara hrædd við strákana, maður spyr sig. Sólveig fór í grænu, hún er á lausu og alveg til í að líta í kringum sig, hún fékk samt athygli sem að fékk ekki góða undirtekt hjá henni, en hún hefði kannski misst af einhverjum góðum gæjanum ef hún hefði ekki verið í grænu maður veit aldrei. En það var semsagt umlitis á barnum eins og umferðarljós sem voru á sífelldu blikki.
Ég veit nú ekki hvort það hafi verið mikið um hözzl á barnum, en hann var alla veganna troðfullur af fólki, smá upphitun fyrir næstu helgi en þá verður nú skemmtun í lagi, og blótað þorranum.

Gummi farin að blogga!!!!
Þá er hann Gummi minn farin að blogga. Hann er búin að gefast upp á tripod síðunni sinni og komin með nýja síðu og farin að blogga þar.

Fólk er alltaf að spyrja mig hvað ég sé að læra og við hvað ég fái vinnu eftir þetta, ég ákvað bara að skella á síðuna danskri lýsingu á náminu og starfsmöguleikum eftir námið.

Genforskning for sundhed
Biomedicin kombinerer molekylær biologi og biokemi med medicinske fag. Hvor lægers primære fokus er patientbehandling, er biomedicinernes fokus at forstå sygdomme på molekylært og cellulært niveau. Biomedicinere kan i samarbejde med læger arbejde inden for medicinsk forskning med udvikling af nye metoder til diagnostik af sygdomme og nye behandlingsmetoder baseret på den nyeste molekylærbiologiske viden. I de senere år har man opnået en enorm viden om, hvordan normale raske celler fungerer. Med udgangspunkt i denne viden kan man i dag begynde at forstå sygdomstilstande, sygdomsmekanismer og lægemidlers virkningsmekanismer på et meget detaljeret plan.

Studiet foregår i et tværfagligt miljø mellem Institut for Biokemi og Molekylær Biologi på Syddansk Universitet i Odense og Odense Universitetshospital. Sammen med kurser i molekylær biologi og biokemi undervises du i løbet af bacheloruddannelsen i menneskets anatomi, fysiologi og immunologi. Senere følger kurser i lægemidlers virkningsmåde samt et kursus, hvor sygdomsmekanismer og behandling diskuteres. Det sidste år anvendes til et selvstændigt tværfagligt projekt under vejledning af forskere fra et naturvidenskabeligt institut og fra universitetshospitalet.

Job
Anvendelsen af bioteknologi og genteknologi til diagnose og behandling af sygdom er områder i rivende udvikling, og der er et stort behov for kvalificerede medarbejdere til forskning og udvikling i såvel industrien som i offentlige institutioner. Stillinger som forskere kræver normalt at man har gennemgået en forskeruddannelse til ph.d. Som ph.d.-studerende er man normalt lønnet gennem et stipendium fra et universitet, af fondsmidler eller gennem et samarbejde med en erhvervsvirksomhed. Omkring 25% af kandidaterne, som inden for de seneste 5 år er udgået fra vores molekylærbiologiske og cellebiologiske uddannelser, har haft deres første beskæftigelse som ph.d.-studerende i Danmark eller udlandet. Andre har fået job i den private industri, på offentlige institutioner eller sygehuse. En yderligere mulighed er servicefunktioner i den bioteknologiske eller farmaceutiske industri f.eks. som sælger.

Som uddannet biomediciner kan du principielt få beskæftigelse overalt i verden, idet du vil være i stand til at fungere fagligt på engelsk lige så godt som på dansk. En uddannelse i biomedicin giver glimrende muligheder for et spændende job, hvor faglige udfordringer kan kombineres med et bidrag til menneskets velfærd gennem sygdomsbekæmpelse.

Það var enginn skóli í dag hjá mér, svo það er nú ekki búið að gerast mikið hjá mér í dag. En í gærkvöldi þá bauð hún Sólveig mér og Söru í mat í kjúkling. Maturinn var alveg ljúffengur og eftir matinn borðuðum við súkkulaði og horfðum á temptation Island og hneyksluðumst á liðinu. Við skemmtum okkur bara konunglega og fórum aftur saddar heim um hálfellefuleytið enda beið okkar 50 mín strætóferð fyrir höndum. Það er verst hvað Sólveig býr gjörsamlega í hinum enda bæjarins miðað við okkur, hún býr í útjaðri bæjarins og við búum í hinum útjaðri bæjarins. Það er reyndar styttra fyrir okkur að fara niður í miðbæ, eða 10 mín á hjóli, en hún er aftur heppin að því leyti að hún er bara 10 mín að hjóla í skólann. Svo er hún jafnlengi að fara niður í bæ og við erum lengi að fara í skólann eða c.a. hálftíma á hjóli ( allt mælt í hjólatíma hér í danmörku). En allt hefur víst sína kosti og galla.

Í dag fórum svo ég og Gummi í bæinn og keyptum, eina hillu inn í svefnherbergi, til að setja fyrir ofan skrifborðið svo ég geti nú haft skólabækurnar þar. Svo keyptum við snaga í forstofuna ( bæði úr við). Svo keyptum við stálstöng með 10 krókum til að setja í eldhúsið. Við vorum bara voðalukkuleg með þetta og gerðum kjarakaup, fórum reyndar í þeim tilgangi að leita að kómmóðu eða tölvuborði og fundum hvorugt á útsölu sem var nógu ódýrt, svo við fórum bara með þetta ánægð heim.

KEO4 verklegt

Maður er greinilega búin í fríi og allt það sem fylgir skólanum er byrjað aftur. Ég var í verklegu í morgun, mér gekk bara vel, ég náði að klára tilraunina. Ekkert smá ánægð að ná að klára hana, síðan á ég að skila skýrslu eftir viku og það er heilblaðsíða með frekar erfiðum spurningum sem ég þarf að svara rétt til að fá þetta góðkennt. Ég reyndi að svara þeim í gær en gat ekki, ég verð víst að leggja höfuðið vel í bleyti um helgina ( reyndi reyndar ekki mikið, opnaði bókina og reyndi að lesa mér til en fann ekki svarið, ég verð bara að grafa vel um helgina, neyðist til að finna svörin)
Síðan fékk ég að vita í gær að ég verð í verklegum áfanga fyrir þá sem ætla í Biomedisin á þriðjudögum og miðvikudögum frá 14.00 -19.00 og verð þar með í skólanum á þriðjudögum og miðvikudögum frá 08.15 - 19.00 ( 11 klt) og það eru bara 15 min milli tíma, sem oft dugir bara rétt til að skipta um stofu og pissa. Svo hefur maður ekki tíma til að borða allan daginn ( maður verður eiginlega að taka með sér nesti og borða í tímum ). Það mætti nú alveg vera hádegishlé í þessum skóla.
En það er ekki allt, því ég verð í verklegri efnafræði á miðvikudagsmorgnum frá 8.00 - 12.00 , þannig að á miðvikudögum eru 9 tímar verklegt og tveir timar fyrirlestrar á milli, svoldið erfitt, en maður harkar þetta af sér.

Jæja svo er að byrja í kvöld Temptation Island 2 , skandinaviska útgáfan, semsagt, Danir, Norðmenn, Svíar, ég sá í Noregi skandinaviska Temptation Island 1, hlakka bara svoldið til. Ég ætla að taka mér lestrarhlé í kvöld, ég held ég hafi innandað að mér of miklu Ethanoli í dag, því að ég er búin að vera með hausverk síðan ég var í verklegri efnafræði í morgun.

En í verklegri Efnafræði erum við í " Organískri syntesu" erum semsgat að búa til ákveðin efni eftir uppskrift, svoldið svona eins og að baka. Nema að maður eimar kannski ekki mjólkina í pönnukökum, en svona minnir mann samt á kökuuppskrift sko, röðin sem þú gerir skrefin skipta öllu máli.

Skólinn byrjaður aftur

Þá er skólinn byrjaður aftur á fullu. Ég sem hafði ekki tækifæri til að fagna prófinu og öllum verklegu áföngunum. Ég bara fór snemma að sofa ( eða sko snemma miðað við seinustu vikur, eða um miðnætti) í gær og svo fór ég snemma á fætur og beint í skólann. Reyndar poppaði Gummi handa mér í gærkvöldi og fór út og keypti kók og svo horfðum við á sjónvarpið, þannig að við héldum nú smáveislu.
Ég fór í leiðinlegasta tíma ever í dag, reyndar sem betur fer varð smá misskilningur í gærkvöldi, ég bað Gumma að stilla vekjarann á hálf átta en meinti hálf sjö. Svo ég missti af klukkutíma fyrirlestri í tölvum, sem betur fer en seinni helmingurinn var alveg drepleiðinlegur og fyrri hlutinn víst líka. En hann var að segja okkur t.d. hvað er hægt að gera á internetinu, kaupa flugmiða ( gert það nokkrum sinnum), lesa blöðin ( geri það á hverjum degi), hlusta á tónlist/útvarp ( geri það líka), netfundir ,semsagt ekkert nýtt fyrir mér, væri kannski spennandi fyrir eldri kynslóðina eins og ömmu sem hefur aldrei komið nálægt tölvu, hún myndi hafa gaman að því að vita hvað er hægt að gera á internetinu.
En mér var sko ekki skemmt, svo fór hann reyndar aðeins að tala um HTML og það var nú frekar einfallt html sem hann var að sýna okkur, sýndi okkur hvernig á að gera linka, gera línubil og eitthvað svona sem ég vissi alveg hvernig á að gera, eftir þetta blogg brölt mitt.
Ég á eftir 3 svona fyrirlestra í vetur, og ég get bara sagt það að ég hlakka ekki til.

Ég hlakka reyndar til að fara í tölvutíma, ef við eigum að fara að gera heimasíður, það væri nú bara gaman, annars veit ég ekkert hvað á að gera í þessum tölvutímum í vetur, þar sem að ég missti af fyrsta fyrirlestrinum í morgun, en það verður bara skemmtilegt surprise. Veit að það er eitthvað með powerpoint, og acessories, sem er nú ekkert spes, en kannski maður má nú vona að þessi tölvuáfangi verði skemmtilegri en seinasti. Hann sagði alla veganna að markmiðið með þessum tíma, væri að kynna okkur upplýsingatækni til að nota í B.S verkefnum okkar, en seinasti áfangi snéri eingöngu að uppsetningu á B.S. ritgerð ( ekkert svo rosalega skemmtilegt).

Svo því miður er ég að byrja aftur í verklegu á morgun, hlakka ekkert roslega til, veit að þetta verður strembið, var að reyna að lesa áðan hvað á að gera og þó ég lesi þetta núna, man ég ekkert á morgun hvað á að gera skref fyrir skref sko. En fyrst ég náði þessu fyrir jól ætti ég að ná þessu núna.

Ég var líka að velta því fyrir mér í dag, að ég er búin með hálft ár núna af 5 árum. Svo það eru bara 4 og hálft ár eftir, þetta styttist allt, áður en að ég veit af verð ég flutt aftur til Íslands og búin með þennan skóla ( gvöð hvað ég hlakka til að klára þennan skóla, er ekkert alltof spennt fyrir því að vera að rembast eins og rjúpa við staurinn næstu árin að læra, en ég verð nú samt að viðurkenna það að það er mun skárra en tilhugsunin við að vinna í leiðinlegu starfi alla sína ævi ).

Prof
Ég náði ég náði ég náði, ví´´iiiiiiiiiiiiiiiiii, ég náði prófinu, er búin að ná öllu á þessari önn, er ekkert smá stolt af sjálfri mér , og glöð.

Saumaklúbbur!

Í gærkvöldi fór ég á saumaklúbb hérna á kollegiunni. Ég bakaði alveg ljúffenga Bountyköku mmmm...... Svo sko var fullt af öðru góðgæti. Síðan fór ég heim upp úr miðnætti og þá var Gummi bara í heimsókn og ég fór þangað yfir og við sátum þar til klukkan hálfþrjú í nótt. Annars vaknaði ég síðan og sá brot úr leiknum, sem við unnum, ég semsagt hef bara horft á tapleikina, ég á bara greinilega ekki að horfa á þessa leiki. Síðan er það bara skólinn í fyrramálið.... og vonandi verður einkunnin úr prófinu komin þá.

Idol, Popstars, Stjerne for en aften!!!!!!!

Ég er enn að fylgjast með þessum þáttum, núna er ég alveg dottin inn í norska Idol. Við erum sko með eina norska sjónvarpsstöð, sem að sýnir þessa þætti og í gærkvöldi horfði ég á einn þátt og á annan í dag. Í Ósló prufunni var margt um manninn og margir hæfileikaríkir, en ein stúlkan stóð nú alveg upp úr, hún söng og spilaði á harmonikku, og þegar þau sögðu að þau væru að leita eftir popsöng, sagði gellan " men hør nu efter, folkemusik er faktisk popmusik" og reifst við dómarana um ágæti sitt. En svo var fullt af ógeðslega lélegu fólki, og nokkrum mjög góðum. Síðan í dag sá ég prufurnar frá Trondheim, þar var líka fullt af lélegu liði og einstaka góðum. Þegar Idol var búið skipti ég yfir á popstars í ástralíu, og ég er að segja ykkur það að það er gjörsamlega hæfileikalaust liðið þar, norðmennirnir voru nú betri, liðið sem komst áfram í Ástralíu var verra en norðmennirnir sem komust ekki áfram.

Ég er að fara í saumaklúbb í kvöld, hérna á kollegiunni. Svo er líka bekkjarpartý í boði, en ég efast um að ég fari í það, langt að fara í hinn enda bæjarins í svona kulda. Ég líka var búin að lofa að baka köku fyrir saumaklúbbinn, og ég bakaði bountyköku í gær. Þurfti reyndar að fá að koma forminu með rjómanum fyrir í frysti í næsta húsi, þar sem okkar frystir er svo lítill á breiddina að ég gat ekki lokað frystinum okkar með forminu í. Annars hlakka ég bara til kvöldsins, sérstaklega kökunnar sem ég bakaði mmmmm.......

Ég virðist bara ekki geta fundið réttu litina mína, endilega látið mig vita ef þið vitið um fleiri liti, ég er ekki alveg að fíla þessa liti sem eru á síðunni sem ég veit um.
Kveðja Bryndís